ਵਾਤਾਵਰਣ ਸੰਸਥਾ Forest & Bird ਨੇ Bathurst Resources ਦੀ Denniston Plateau ’ਤੇ ਵੱਡੀ ਖੁੱਲ੍ਹੀ ਕੋਲਾ ਖਾਣ ਬਣਾਉਣ ਲਈ ਦਿੱਤੀ Fast-track ਅਰਜ਼ੀ ਰੱਦ ਕਰਨ ਦੀ ਮੰਗ ਕੀਤੀ ਹੈ।
ਸੰਸਥਾ ਦਾ ਦਾਅਵਾ ਹੈ ਕਿ ਅਰਜ਼ੀ ਵਿੱਚ ਪ੍ਰੋਜੈਕਟ ਦੇ ਵਾਤਾਵਰਣਕ ਪ੍ਰਭਾਵਾਂ ਬਾਰੇ ਅਹਿਮ ਜਾਣਕਾਰੀ ਅਧੂਰੀ ਹੈ। ਪ੍ਰਸਤਾਵਿਤ ਵਿਸਥਾਰ ਨਾਲ ਲਗਭਗ 1,250 ਹੈਕਟੇਅਰ ਇਲਾਕਾ ਪ੍ਰਭਾਵਿਤ ਹੋ ਸਕਦਾ ਹੈ। ਇੱਥੇ ਪਾਇਆ ਜਾਣ ਵਾਲਾ ਬਹੁਤ ਹੀ ਦੁਰਲੱਭ ਅਤੇ ਰਾਸ਼ਟਰੀ ਪੱਧਰ ’ਤੇ ਗੰਭੀਰ ਖ਼ਤਰੇ ਹੇਠ Avatar moth ਵੀ ਚਿੰਤਾ ਦਾ ਮੁੱਖ ਕਾਰਨ ਹੈ।
Environmental Protection Authority ਨੇ ਹੋਰ ਜਾਣਕਾਰੀ ਮੰਗਦਿਆਂ ਅਰਜ਼ੀ ’ਤੇ ਫ਼ੈਸਲਾ ਕਰਨ ਦੀ ਕਾਨੂੰਨੀ ਸਮਾਂ-ਸੀਮਾ ਫਿਲਹਾਲ ਰੋਕ ਦਿੱਤੀ ਹੈ। Forest & Bird ਦਾ ਕਹਿਣਾ ਹੈ ਕਿ ਇਸ ਸੰਵੇਦਨਸ਼ੀਲ ਕੁਦਰਤੀ ਖੇਤਰ ਵਿੱਚ ਖਾਣ ਨੂੰ ਮਨਜ਼ੂਰੀ ਮਿਲਣ ਨਾਲ ਜੈਵਿਕ ਵਿਭਿੰਨਤਾ ਨੂੰ ਨਾ ਪੂਰਾ ਹੋਣ ਵਾਲਾ ਨੁਕਸਾਨ ਹੋ ਸਕਦਾ ਹੈ।
ਅੰਤਿਮ ਫ਼ੈਸਲਾ Fast-track ਮਾਹਿਰ ਪੈਨਲ ਵੱਲੋਂ ਸਾਰੇ ਵਾਤਾਵਰਣਕ ਅਤੇ ਆਰਥਿਕ ਪੱਖਾਂ ਦੀ ਜਾਂਚ ਤੋਂ ਬਾਅਦ ਕੀਤਾ ਜਾਵੇਗਾ।
