ਨਿਊ ਪਲਾਈਮਾਊਥ ਸੈਂਟਰ ਸਿਟੀ ਸ਼ਾਪਿੰਗ ਸੈਂਟਰ ਵਿੱਚ ਭੰਨਤੋੜ ਤੋਂ ਬਾਅਦ ਦੋ ਗ੍ਰਿਫ਼ਤਾਰ

ਨਿਊ ਪਲਾਈਮਾਊਥ ਦੇ ਸੈਂਟਰ ਸਿਟੀ ਸ਼ਾਪਿੰਗ ਸੈਂਟਰ ਵਿੱਚ ਰਾਤੋ-ਰਾਤ ਹੋਈਆਂ ਕਈ ਚੋਰੀਆਂ ਤੋਂ ਬਾਅਦ ਦੋ ਵਿਅਕਤੀਆਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਪੁਲਿਸ ਨੂੰ ਸਵੇਰੇ ਤਕਰੀਬਨ 1:30 ਵਜੇ ਗਿੱਲ ਸਟਰੀਟ ਤੇ ਸਥਿਤ ਮਾਲ ਵਿੱਚ ਬੁਲਾਇਆ ਗਿਆ ਸੀ।
ਇੱਕ ਵਿਅਕਤੀ ਮਾਲ ਅੰਦਰ ਪੁਲਿਸ ਤੋਂ ਭੱਜਣ ਦੌਰਾਨ ਫੜਿਆ ਗਿਆ, ਜਦਕਿ ਦੂਜੇ ਨੂੰ ਨੇੜੇ ਹੀ ਗ੍ਰਿਫਤਾਰ ਕਰ ਲਿਆ ਗਿਆ। ਪੁਲਿਸ ਨੇ ਮਾਲ ਅੰਦਰ ਕਈ ਦੁਕਾਨਾਂ ਦੇ ਦਰਵਾਜ਼ਿਆਂ ਤੇ ਜਬਰਦਸਤੀ ਦਾਖਲ ਹੋਣ ਦੇ ਨਿਸ਼ਾਨ ਮਿਲੇ।
ਮਾਲ ਪ੍ਰਬੰਧਨ ਨੇ ਪੁਸ਼ਟੀ ਕੀਤੀ ਕਿ ਰਾਤ ਨੂੰ ਤੋੜਫੋੜ ਹੋਈ ਸੀ, ਪਰ ਇਹ ਰੈਮ-ਰੇਡ ਨਹੀਂ ਸੀ। ਕਿਸੇ ਨੂੰ ਵੀ ਚੋਟ ਨਹੀਂ ਲੱਗੀ।
ਮਾਲ ਅੱਜ ਬੰਦ ਰਹੇਗਾ ਤਾਂ ਜੋ ਪੁਲਿਸ ਆਪਣੀ ਜਾਂਚ ਸੁਰੱਖਿਅਤ ਢੰਗ ਨਾਲ ਪੂਰੀ ਕਰ ਸਕੇ। ਪ੍ਰਬੰਧਨ ਨੇ ਕਿਹਾ ਕਿ ਉਹ ਅਧਿਕਾਰੀਆਂ ਨਾਲ ਪੂਰੀ ਤਰ੍ਹਾਂ ਸਹਿਯੋਗ ਕਰ ਰਹੇ ਹਨ ਅਤੇ ਸੁਰੱਖਿਆ ਪੱਕੀ ਹੋਣ ‘ਤੇ ਹੀ ਮਾਲ ਖੋਲ੍ਹਿਆ ਜਾਵੇਗਾ।
20 ਸਾਲਾ ਵਿਅਕਤੀ ‘ਤੇ ਹਥਿਆਰ ਨਾਲ ਚੋਰੀ ਅਤੇ ਪੁਲਿਸ ‘ਤੇ ਹਮਲੇ ਦੇ ਦੋਸ਼ ਲਗੇ ਹਨ, ਜਦਕਿ 19 ਸਾਲਾ ਵਿਅਕਤੀ ‘ਤੇ ਹਥਿਆਰ ਨਾਲ ਚੋਰੀ ਦੇ ਦੋਸ਼ ਲਗੇ ਹਨ। ਦੋਵੇਂ ਅੱਜ ਅਦਾਲਤ ਵਿੱਚ ਪੇਸ਼ ਹੋਣਗੇ।